• Горан Упале
Како и по секој натпревар на Хрватска, така и по поразот од Германија, хрватските медиуми бараат стручно мислење од некогашниот македонски селектор Веселин Вујовиќ. Популарниот Вујо истакна дека на средбата во Загреб имаше многу позитивни работи. Додаде дека во овој момент Германија е за нијанса подобра од Хрватска, а го пофали и идниот голман на Охрид, Дино Славиќ.
„Имаше многу позитивни работи. Натпреварот меѓу Хрватска и Германија дефинитивно беше сериозен. Германија е за нијанса подобра од Хрватска во моментов. Штета што Хрватска не го круниса одличниот настап на Славиќ со победа. Токму Славиќ му предизвика сериозен проблем на Сигурдсон, ако тоа може да се нарече фигуративно, на шега.
Бидејќи, заедно со Кузмановиќ и Мандиќ, Славиќ ја нагласи својата кандидатура за списокот на играчи за патување за Малме. Не верувам дека Сигурдсон ќе избере тројца голмани за Европското првенство. Славиќ е со право таму, со право го оправда својот повик и најави сериозна кандидатура за место меѓу 16-те“, вели Веселин Вујовиќ.
Славиќ од идната сезона ќе застане меѓу стативите на Охрид, откако македонскиот суперлигаш пред неколку дена потврди дека хрватскиот голман потпиша договор со важност до јуни 2028 година.
