• Мартин Танасковски
Новиот селектор на ракометната репрезентација на Хрватска, Горан Перковац, нема по добро да го памети дебито затоа што „каубоите“ загубија од Холандија (32-27) во квалификациите за Европското првенство (ЕП) кое ќе се игра во 2024 година.
Балканската селекција имаше проблеми со повредени играчи, но јавноста е разочарана поради високиот пораз од „лалињата“. Лук Стајнс беше најдобар кај Холандија со осум гола, пред Ставаст со шест гола, а кај Хрватите, Карачиќ даде девет, а Лучин седум гола.
Турците ја забележаа првата победа во квалификациите, но се помачија затоа што победија со гол во последна секунда против Луксембург (30-29). Франција на гостувањето во Гдањск беше убедлива против Полска (38-28).
Во неатрактивен меч, Грузија ја совлада Литванија (32-18) и го закова противникот на дното.
