• Зоран Мишевски
Ништо од германско финале во Европската лига во ракомет. Победникот на Купот на Франција, култниот Монпелје, славеше во второто полуфинале на „фајнал-фор“ турнирот во Хамбург со 31-32 (17-16). Со оваа победа Монпелје се реваншираше за ланската елиминација во Лигата на шампионите, кога прокоцка победа од девет разлика и загуби во Кил со десет гола.
Монпелје започна моќно и го принуди Филип Јиха на тајм-аут при 0-4. Следеше првенец на Дувњак и бавно враќање на бундеслигашот. Волф одбрани неколку топки, а Зербе и Скипаготу спуштија до -2., Сепак, Шихам и Порто го одржуваа францускиот тим со предност до 20. минута. Следеше серија 5-0 и 17-16 за „зебрите“ на полувреме.
По израмнетиот почеток на вториот дел, Мрква блесна на голот, а Јохансон и Мадсен донесоа 23-20 во 44. минута. Сепак, Монпелје се врати и Валентин Порт израмни на 26-26 во 52. минута. Следеше игра гол за гол до самиот финиш, Себастијан Карлсон со гол од крило првпат донесе предност за Монпелје во вториот дел во 59. минута (30-31). Јохансон израмни на 15 секунди до крајот, но преостана само последниот напад. Ахмед Хешам преку блокот го совлада Мрква и донесе историско финале за Монпелје (31-32).
Најефикасни кај Кил беа Јоханесон и Зербе со по седум гола, додека во тимот на Монпелје се истакнаа Карлсон со осум и Хешам со седум погодоци. Финалето на Европската лига меѓу Кил и Флензбург се игра утре во Хамбург од 18:00 часот.
ФОТО/PHOTO: European handball federation
