• Иван Димовски
ГОГ Гудме го освои трофејот во Суперкупот на Данска, откако во финалето триумфира против Алборг со 34-32 (17-18). Во израмнет натпревар кој можеше да заврши со било кој исход, аутсајдерот го шокира големиот фаворит и првпат во историјата го крена овој трофеј во Данска.
Оваа победа е особено импресивна ако се согледа ѕвездениот колектив на Алборг. Лидери на тимот се Микел Хансен и голманот Никлас Ландин, меѓутоа ниту тие двајца не успеаја да ги поведат соиграчите до нов трофеј во натпреварувањето во кое се рекордери.
Неверојатен меч одигра Блонц од ГОГ кој постигна десет погодоци, додека Менсинг имаше седум. Кај Алборг пак, најдобар беше Хансен со шест реализации.
