• Саше Љолес
Ракометарите на ГОГ Гудме се овогодишни освојувачи на Купот на Данска, откако во големото финале го совладаа тимот на Алборг со конечен резултат 32-25 (13-10).
ГОГ Гудме уште еднаш ја потврди својата доминација во домашни рамки, а најефикасни во победничкиот состав беа Мадсен со осум и Менсинга со уште седум голови. Кај Алборг најрасположен за игра беше Хоксер со девет гола, но неводоволно за да спречи убедлив пораз на неговиот тим.
Во директниот голмански дуел, како поуспешен се покажа шведскиот репрезентативец Тобиас Тулин со ефект од 38% одбранети шутеви, додека легендарниот Никлас Ландин го заврши мечот со 25-процентна ефикасност во одбраните. ГОГ Гудме стигна до својот десетти Куп-трофеј во историјата и е рекордер во ова натпреварување.
