• Горан Упале
Хрватскиот ракометен репрезентативец Филип Главаш нема да го напушти Загреб како што беше претходно најавено. Иако неговата преселба во германски Флензбург беше веќе договорена за летото 2025 година, брилијантното десно крило реши да остане во редовите на хрватскиот шампион.
Главаш го привлече вниманието со одличните настапи на Светското првенство во 2025 година, каде со репрезентацијата на Хрватска го освои сребрениот медал. Неговата напаѓачка ефикасност и брзина го направија интересно засилување за врвните европски клубови. Пред да пристигне во Загреб, Главаш помина две години во словенечки Тримо Требње, од 2021 до 2023 година, каде што стекна драгоцено меѓународно искуство.
Флензбург, кој активно работи на засилување на својот тим, претходно го договори доаѓањето на словенечкиот репрезентативец Домен Новак од Вецлар. Откако пропадна трансферот на Главаш, германскиот клуб ќе мора да бара ново решение за десната крилна позиција.
