Еурофарм Работник лесно се справи со младите вардарци

Лидерот во македонската Суперлига, екипата на Еурофарм Работник, одигра нов доминантен натпревар и во СЦ „Јане Сандански“ со 39-30 (24-15) славеше над Вардар Јуниор.

  • Погледнете го целиот натпревар меѓу Еурофарм Работник и Вардар Јуниор: 

Македонскиот претставник во ЕХФ-купот беше далеку подобар ривал на паркетот, а искуството исплива на површина кога беше најпотребно. Во ниту еден момент од мечот, тимот на Алушовски не се мачеше да дојде до победата и диктираше темпо на игра цела средба.

Неизвесно беше само на стартот, кога на семафорот стоеше 9-8. Потоа Еурофарм се одлепи на 13-9, водеше и со 24-14, прва двоцифрена предност на средбата, а високата позитива ја одржуваше константно и по паузата. На десет минути пред крајот, резултатот гласеше 30-20, за до сирената за крај, Вардар Јуниор да го намали поразот на едноцифрена разлика (39-30).

Најдобри стрелци кај битолчани беа Ѓукиќ со девет и Крстевски со седум погодоци, додека кај Вардар Јуниор се истакна Кукуловски со десет гола.

За Еурофарм Работник ова беше 17-та победа по 18 одиграни кола. Вардар Јуниор, пак, го доживеа четиринаесеттиот пораз.

Суперлига
ОН П Н И Гол. ГР Форма Бод.
1 Еурофарм РаботникЕурофарм Работник 18 17 1 0 622:392 230 52
2 ПелистерПелистер 18 13 2 3 579:473 106 41
3 Бутел СкопјеБутел Скопје 18 13 0 5 521:412 109 39
4 Пролет 62Пролет 62 18 12 1 5 551:456 95 37
5 Охрид 2013Охрид 2013 18 11 0 7 527:463 64 33
6 СтругаСтруга 18 9 1 8 481:457 24 28
7 РадовишРадовиш 18 5 0 13 559:610 -51 15
8 Вардар ЈуниорВардар Јуниор 18 4 0 14 451:549 -98 12
9 ПрилепПрилеп 18 3 1 14 429:597 -168 10
10 ГРК БорецГРК Борец 18 0 0 18 396:707 -311 0