Еурофарм Работник го замрзна Борец на -23, Пролет го совлада Радовиш

Ракометарите на Еурофарм Работник запишаа планирани три бода во рамките на 7. коло од Суперлигата, откако на гостувањето во Велес го совладаа тимот на ГРК Борец со убедливи 18-41 (10-18).

„Фармацевтите“ од самиот почеток на натпреварот само ја зголемуваа разликата, која на одмор достигна до +8 (10-18). Во вториот дел ракометарите на Борец беа уште понемоќни, па гостите преку расположените Ивановиќ и Кузмановски го „полнеа“ домашниот гол за конечна победа од 18-41.

Најефикасен кај тимот на Еурофарм беше Никола Ивановиќ со десет гола, Филип Кузмановски запиша шест погодоци, а Чурлевски и Талевски застанаа на пет гола. Кај тимот на Борец, Борис Илиевски беше најефикасен со шсст гола.

Ракометарите на Пролет 62, во ефикасен натпревар, славеа гостинска победа против Радовиш со 32-37. Гостите од Скопје имаа предност во поголемиот дел од натпреварот и на крајот сосема заслужено со победа се враќаат од Радовиш.

Најефикасен кај победничкиот тим беше Ласко Андоовски со девет гола, додека 13 на мечот запиша ракометарот на Радовиш, Ивица Илиев.

Суперлига
ОН П Н И Гол. ГР Форма Бод.
1 МеталургМеталург 14 12 2 0 486:350 136 38
2 Охрид 2013Охрид 2013 14 12 1 1 404:313 91 37
3 Бутел СкопјеБутел Скопје 14 10 1 3 379:340 39 31
4 Пролет 62Пролет 62 14 9 2 3 440:371 69 29
5 РадовишРадовиш 14 7 1 6 412:408 4 22
6 Вардар ЈуниорВардар Јуниор 14 6 0 8 385:417 -32 18
7 Еурофарм Пелистер 2Еурофарм Пелистер 2 14 4 2 8 358:379 -21 14
8 Металург 2Металург 2 14 2 1 11 397:473 -76 7
9 РаботничкиРаботнички 14 1 1 12 399:504 -105 4
9 СтругаСтруга 14 1 1 12 323:428 -105 4