• Иван Димовски
Македонскиот претставник во Лигата на шампионите, Еурофарм Пелистер ќе ја започне европската авантура со натпреварот против Загреб в среда.
За таа цел од редовите на шампионот известија дека од утре (сабота) во 10:00 часот започнува продажбата на билетите за оваа средба. Според најавите од претходно, цената на билетите ќе биде 450 за страничните и 550 денари за централните делови на двете трибини.
Пелистерци во добар ритам го дочекуваат стартот на сезоната во елитното европско натпреварување. По победата над Вардар во Суперкупот и триумфот на стартот на првенството со Бутел, тимот на Гарабаја имаше доволно време да се подготви за следниот предизвик.
Натпреварот меѓу Еурофарм Пелистер и Загреб се игра в среда во терминот од 20:45 часот.
