• Зоран Мишевски
Новиот член на Суперлигата, Еурофарм Пелистер 2 доведе странско засилување на позицијата десен бек. Имено, Французинот Баптист Одифред ќе игра за тимот кој го предводи Александар Зарков, а кој без пораз од Првата влезе во Суперлигата.
„Францускиот десен бек Баптист Одифред е нов член на Еурофарм Пелистер 2. Новиот член на Суперлигата го осигура потписот на 26-годишниот Одифред, кој е роден во Гренобл и зад себе има драгоцено искуство во професионалниот ракомет. Во Франција настапуваше за екипите на Дижон и Безансон, па тресеше мрежи за Диферданж од Луксембург и Даидо Стил од Јапонија, а во следните две сезони ќе игра за Еурофарм Пелистер 2“, велат од помладиот суперлигаш од Битола.
Се работи за ракометар висок 199 сантиметри, одличен стрелец и ракометар со важна улога и во играта во одбрана.
