Еурофарм како брз воз мина преку Радовиш

Лидерот на ракометната Суперлига, Еурофарм Работник, одигра уште еден моќен натпревар и ја запиша својата 11-та победа оваа есен од вкупно 12 натпревари во првиот дел од домашниот шампионат.

Разиграните „фармацевти“ вечерва го наполнија голот на Радовиш за конечна победа од 25-43 (10-22) во заостанатиот натпревар поради обврските на битолскиот тим во ЕХФ Купот и двомечот со Берн

Радовишани со гол го започнаа дуелот пред својата публика за водство од 1-0, но потоа сè беше во знакот на избраниците на Чирковиќ, кои од минута во минута го зголемуваа водството кое на полувреме изнесуваше 12 разлика (10-22). Во вториот дел гостинскиот стратег им даде шанса на сите ракометари, па темпото на игра спласна, но не и разликата, која на крај достигна 18 гола.

Босанскиот интернационалец Елмир Граџан со девет гола беше водечки стрелец  на средбата, а го следеа крилото Милан Џукиќ со седум и Стефан Талевски со шест погодоци во таборот на Еурофарм Работник. Кај Радовиш, како и скоро секогаш, најефикасен беше Ивица Илиев со седум реализации.

Со 34 бода, Еурофарм Работник сега има огромни +7 пред второпласираниот Бутел и многу блиску е до математиичка потврда на првото место пред плеј-фот. Овој викенд се играат натпреварите од 13. коло, а Еурофарм Работник в сабота гостува кај Струга.

Екипата на Радовиш в недела во 18:00 часот го пречекува тимот на Прилеп и тоа е идеална шанса за нови суперлигашки бодови.

Суперлига
ОН П Н И Гол. ГР Форма Бод.
1 Еурофарм РаботникЕурофарм Работник 13 12 1 0 432:285 147 37
2 Охрид 2013Охрид 2013 14 10 0 4 413:345 68 30
3 ПелистерПелистер 14 9 2 3 432:370 62 29
4 Пролет 62Пролет 62 14 9 1 4 416:357 59 28
5 Бутел СкопјеБутел Скопје 13 9 0 4 370:299 71 27
6 СтругаСтруга 13 6 1 6 352:339 13 19
7 РадовишРадовиш 14 4 0 10 426:473 -47 12
8 ПрилепПрилеп 13 3 1 9 331:406 -75 10
9 Вардар ЈуниорВардар Јуниор 14 3 0 11 342:434 -92 9
10 ГРК БорецГРК Борец 14 0 0 14 327:533 -206 0