ЕХФ направи промена на терминот за дуелот меѓу Порто и Вардар

ЕХФ во соработка со домаќинот на натпреварот, екипата на Порто, направи измена на саатницата на одигрувањето на натпреварот со Вардар, информираат од редовите на македонскиот шампион.

Средбата е закажана за 22 февруари 2020 година. Новиот термин на одигрување на натпреварот е 16:00 часот. Овој меч е од 13. коло во Б групата од Лигата на шампионите, а португалскиот првак ќе сака одмазда за поразот во Скопје од 32-27.

По десет одиграни кола во ракометната елита Вардар е на шестата позиција на табелата со девет освоени бода, додека Порто е едно место погоре со десет бода.