• Горан Упале
Европската ракометна федерација (ЕХФ) ја потврди одлуката на Хрватскиот ракометен сојуз словенечкиот интернационалец Марко Безјак да биде казнет до април 2025 година за инцидентот во кој учествуваше како член на Нексе на дербито со Загреб и поради тоа доби суспензија од 12 месеци.
Суспензијата, сепак, важи само за натпревари под капата на ЕХФ, па 38-годишниот среден бек може да се врати во Бундеслигата каде веќе го носеше дресот на Магдебург од 2013 до 2023 година, станувајќи клупска легенда.
Безјак кариерата ја продолжува во Ерланген, кој сезоната ја отвори со три порази, па искуството и квалитетот на словенечкиот ас ќе биде повеќе од потребно за тимот.
