• Мартин Танасковски
Еден од најталентираните ракометари во светот, Петар Цикуша, ќе остане во дресот на Барселона до 2029 година.
Новиот четиригодишен договор со тимот на „Блауграна“ е логична последица од брзиот развој на младиот шпански интернационалец со српски корени, кој минатата сезона ја доби целосната доверба од тренерот Антонио Карлос Ортега.
Суперталентираниот централен бек (2005) го искористи моментот на заминувањето на Лука Циндриќ од клубот и повредата на Домен Макуц за да го покаже својот талент.
Цикуша беше исто така дел од шпанскиот олимписки тим кој го освои бронзениот медал во Париз. Неговиот брат Ѓорѓе, кој игра на позицијата десен бек, е на позајмица во Монпелје.
ФОТО: FC Barcelona Handbol
