• Мартин Танасковски
Алкалоид активно се подготвува на Маврово и ја темпира формата пред новата сезона. Иван Џонов ја сподели атмосферата на тренинзите и очекувањата на тимот за следната сезона и истакна дека се што ќе се направи на подготовките сега ќе биде оклучно на понатаму.
„Нашите подготовки одат во најдобар ред засега, работиме главно да бидеме физички спремни за предизвиците затоа што пред нас следи сезона која ќе бара доста напор и ќе биде во висок ритам. Сите се вложуваме максимално, затоа што ова што го правиме сега ќе ни биде основа за целата година. Ни доаѓаат нови предизвици, а ние како играчи сме спремни да одговориме на нив на добар начин. РК Алкалоид секогаш цели да победува, па така, целта останува иста и понатаму.“, изјави Џонов.
Алкалоид по подготовките во Маврово ќе замине на турнир во Охрид пред крајот на август кој ќе биде увертира за Суперкупот на Македонија кој е предвиден на стартот на септември.
