Стартуваше романскиот ракометен шампионат во женска конкуренција, во кој ќе имаме четири македонски интернационалки. Во првото коло веќе имаше и македонски двобој, меѓу Баја Маре на Марија Штериова и Данубиус Галаци на Елена Ливриниќ.
Баја Маре славеше на домашен терен со 25-21, а овој дуел го одбележаа одличните партии на двете наши репрезентативки. Ливриниќ даде 11 голови за гостинките, но и тие беа премалку за позитивен резултат. Во победничкиот тим, Штериова постигна пет погодоци и беше втор стрелец.
Слатина на Ангела Тодоровска загуби дома од Магура Чиснадие со 19-22, додека за новиот тим дебитираше и капитенот на репрезентацијата, Елена Ѓорѓиевска. Таа постигна три голови во победата на Мунисипал Крајова над Дунареа Браила со 30-22.
