• Саше Љолес
Следува уште една интересна завршница во ракометната Лига на шампиони во женска конкуренција. ЕХФ официјално ги одреди полуфиналните парови за завршниот турнир во Будимпешта и закажа две исклучително интересни пресметки.
Трета година по ред на турнирот ќе учествува данскиот претставник, Есбјерг, и ќе се соочи со секогаш силниот тим на Ѓер, кој ќе се обиде да стигне до шестата титула во елитното натпреварување. Унгарскиот клуб само еднаш го пропушти завршниот турнир и повторно ќе има блага фаворитска улога, но тука се очекува огромна борба и неизвесност до самиот крај.
Второто полуфинале го сочинуваат францускиот Мец и германскиот Битигхајм. Двата тима немаат трофеј во Лигата на шампионите и еден од нив сигурно ќе обезбеди учество во големото финале. Завршниот турнир ќе се одигра на први и втори јуни, а домаќин ќе биде „МВП Дом“ во Будимпешта.
