• Мартин Танасковски
Македонскиот интернационалец Димитар Димитриоски во новата сезона ќе има нов клуб, затоа што по три години заминува од таборот на шпански Ваљадолид.
27-годишникот беше важен дел и стандарден ракометар на тимот од АСОБАЛ-лигата. Таму пристигна во 2022 година, но двете страни не го продолжија договорот и така Димитриоски ќе има нов предизвик.
Некогашниот репрезентативец на Македонија кој настапува на средната бековска позиција, ама и како крило, низ кариерата играше за Еурофарм Пелистер 2, Вардар 1961 и Металург, а Ваљадолид му беше прва странска авантура.
