• Саше Љолес
Француската ракометна ѕвезда, Дика Мем, потврди дека се отпочнати разговорите со Барселона за продолжување на договорот со каталонскиот гигант.
Репрезентативецот на „триколорите“ изјави дека има понуди и од други големи клубови, но во моментов е фокусиран на настапите за Барса, каде може да се задржи и во следните сезони.
„Разговараме со управата, но ги разгледуваме и другите опции. Ништо не е ново, отсекогаш било така откако пристигнав тука. Засега сметам дека сите односи со клубот се позитивни. Ќе дојде време, па ќе разговараме за мојата иднина“, изјави Мем.
Дика Мем е вистинска легенда на Барселона, за која настапува од веќе далечната 2016 година.
