• Мартин Танасковски
Екипата на ЖРК Металург донесе странско име во своите редови за продолжението од сезоната во женската ракометна Суперлига.
Се работи за 21-годишната Итана Лабовиќ која доаѓа од Црна Гора. Девојката која игра на пивотменската позиција доаѓа од тимот на Феникс од Подгорица и ќе биде квалитетно засилување за тимот од Автокоманда.
Договорот меѓу Итана Лабовиќ и ЖРК Металург е потпишан на една сезона. Црногорката веќе дебитираше за новиот клуб минатиот викенд кога девојките предводени од Дамчевска и Петрушевски се судрија со првакот ЖРК Ѓорче Петров.
Некогашниот шампион на Македонија во новата сезона досега одигра три натпревари. Има две победи и еден пораз на контото.
