Бутел Скопје си поигра со фенерџијата Борец

Екипата на Бутел Скопје прокнижи нови посакувани бодови во македонската ракометна Суперлига и на домашен терен со убедливи 48-16 (25-7) беше подобар од велешки Борец.

Домаќинот покажа сила пред својата публика и си поигра со противникот. Борец беше конкурентен само на стартот, кога на семафорот стоеше 2-2, а потоа се беше доминација на Бутел. 

Од 2-2, Бутел се одлепи на 7-2, за потоа Борец конечно да постигне гол (7-3). Но, потоа како се да тргна удолу, па домаќинот направи неверојатна серија од 12-0, за висока предност од 19-3. До полувремето, Бутел дојде до предност од 25-7, за до финишот разликата драстично да се зголеми.

Филип Николов со десет погодоци и Мики Георгиевски со седум се истакнаа во тимот на Котевски, а кај Борец најпрецизен беше Борис Илиевски со пет погодоци.

За Бутел Скопје ова е четврта победа во Суперлигата, додека Борец е закован на дното без ниедна победа по шест кола.

Суперлига
ОН П Н И Гол. ГР Форма Бод.
1 МеталургМеталург 1 1 0 0 37:30 7 3
2 РадовишРадовиш 1 1 0 0 32:28 4 3
3 Пролет 62Пролет 62 1 1 0 0 21:19 2 3
3 Бутел СкопјеБутел Скопје 1 1 0 0 26:24 2 3
5 РаботничкиРаботнички 1 0 1 0 25:25 0 1
5 СтругаСтруга 1 0 1 0 25:25 0 1
7 Охрид 2013Охрид 2013 1 0 0 1 19:21 -2 0
7 ПелистерПелистер 1 0 0 1 24:26 -2 0
9 Вардар ЈуниорВардар Јуниор 1 0 0 1 28:38 -10 0
10 Металург 2Металург 2 1 0 0 1 30:37 -7 0