• Горан Упале
Македонскиот суперлигаш Бутел Скопје продолжува со формирањето на тимот за следните сезони, откако ја продолжи соработката со Стефан Зенговски.
Десното крило стави потпис на нов двегодишен договор и ќе остане дел од скопскиот клуб најмалку до летото 2028 година.
Од Бутел изразија задоволство што ќе можат и во иднина да сметаат на услугите на Зенговски, кој ќе продолжи да биде дел од тимот и во наредните сезони.
Бутел во ланската сезона ја оствари зацртаната цел и одново играше во плеј-офот, а амбициите на клубот нема да се променат ниту во новиот шампионат.
