• Мартин Танасковски
Барселона официјално постигна договор со Јанус Смарасон за трансфер кој ќе стапи на сила од летото и ќе трае до 30 јуни 2029 година.
Исландскиот ракометар, кој настапува на позицијата централен бек, во Палау Блауграна пристигнува во одлична форма и во период кога се наоѓа во врвот на својата кариера.
Смарасон зад себе има богато интернационално искуство, настапувајќи во неколку силни европски шампионати, вклучувајќи ги Германија, Унгарија, Данска и Норвешка, каде што остави значаен белег со своите настапи.
31-годишниот Смарасон доаѓа од ПИК Сегед, а настапуваше и за Магдебург, Колштад, Гепинген, Алборг, Хаукар и Селфос.
