• Горан Упале
Екипата на Барселона се избори за голема гостинска победа во четвртфиналето од Лигата на шампионите, откако на гостински терен кај ПИК Сегед славеше со 24-27.
Натпреварот во Унгарија мина онака како што се очекуваше – со многу борба, бројни технички грешки и блесок на голманите. Во првиот дел водството наизменично се менуваше, а повеќе од еден гол предност имаше само домашниот тим, кога во финишот поведе со 10-8.
До крајот на полувремето Барса намали на еден негатива, а на стартот од вториот дел ПИК Сегед конечно влезе во посакуваната серија и за првпат се одлепи на три гола. Но, ниту тоа не беше доволно за домашно славје, затоа што каталонскиот гигант се разигра во клучниот период и со 5-2 во завршницата се избори за голема победа и три гола предност за реваншот пред домашната публика (24-27).
Најзаслужен за победата на шпанскиот тим беше Дика Мем со десет погодоци, од кои три токму во моментите кога се кршеше резултатот. Одличен кај Барса беа и Фраде и Н’Гесан со по шест гола, а за Сегед прв стрелец беше Шоштaриќ со осум погодоци.
