• Зоран Мишевски
Четвртиот ден на Светското првенство за ракометарки, кое се одржува во Скандинавија, започна со очекувани победи на европските репрезентациии. Словенија беше подобар од Ангола со 30-24, а Чешка ја надигра Аргентина со 31-22.
Ангола само во раната фаза на двете полувремиња им парираше на Словенките. Потоа балканската селекција заигра пооодговорно во нападот и цврсто во одбраната и на одмор замина со 14-11. Африканките, со агресивната одбрана, ги збунија Словенките и посткгнаа неколку лесни голови на почетокот на вториот дел. При 20-20 се вклучи „алармот“ кај словенечката клупа и со индивидуален квалитет фаворитот лесно дојде до победа.
Најефикасни во словенечкиот табор беа Аља Варагиќ со пет и Наташа Љепоја и Тјаша Станко со по четири погодоци , а кај Ангола одличен натпревар одиграа Вангимба Гулајо со шест и Мачадо и Азенаиде со по пет гола.
Чешка демонстрираше многу подобра игра во одбрана од јужноамериканската селекција и лесно прокнижи бодови (31-22). Вероника Мала со осум и Маркета Јерабкова со седум гола беа доминантни во победничкиот тим. Кај Аргентина се истакнаа
Попладнево и вечерва се играат уште шест натпревари од второто коло на групната фаза на Мундијалот.
