Анѓеловски се разбрани, Вардар Јуниор до важни бодови со Радовиш

Екипата на Вардар Јуниор забележа важна победа во Суперлигата и на домашен терен славеше над Радовиш (29-26) со што го презеде петтото место на табелата.

Дуелот меѓу двата тима се реши во последните десет минути, кога Вардар Јуниор имаше порасположен голман. „Црвено-црните“ отворија подобро, потоа, Радовиш се врати, па направи пресврт, а откако Вардар изедначи, следеше драмата.

  • Комплетниот натпревар на Вардар Јуниор и Радовиш:

Резултатот на семафорот во СЦ „Јане Сандански“ беше 26-26, кога младиот чувар на мрежата Јоаким Анѓеловски имаше свое шоу. Тој фати три шута на радовишани, од кои едниот беше пенал и на својот тим му озвоможи напади за триумф.

Кај победниците најдобри беа Дејан Кукуловски со осум гола, Стефан Крстевски и Ален Ќосевски со по шест гола. За екипата на Радовиш, Илиев постигна осум гола.

За Вардар Јуниор ова беше петта победа во новата сезона, а Радовиш го почувствува петтиот пораз.

Суперлига
ОН П Н И Гол. ГР Форма Бод.
1 МеталургМеталург 10 8 2 0 336:252 84 26
2 Охрид 2013Охрид 2013 10 8 1 1 277:226 51 25
3 Бутел СкопјеБутел Скопје 10 8 0 2 278:239 39 24
4 Пролет 62Пролет 62 10 6 2 2 302:263 39 20
5 РадовишРадовиш 10 5 0 5 303:303 0 15
6 Вардар ЈуниорВардар Јуниор 10 5 0 5 276:300 -24 15
7 ПелистерПелистер 10 2 2 6 245:264 -19 8
8 РаботничкиРаботнички 10 1 1 8 292:341 -49 4
9 Металург 2Металург 2 10 1 1 8 284:343 -59 4
10 СтругаСтруга 10 1 1 8 228:290 -62 4