• Зоран Мишевски
По неполна деценија минатата во Романија, Бранислав Ангеловски ја напушта функцијата спортски директор во Констанца. Битолчанецот, кој во последните две сезони ја извршуваше функцијата спортски директор, се прости од клубот на социјалните мрежи.
„После два многу тешки и напнати денови за мене се простувам од моето семејство во Констанца, од пријателите, играчите, навивачите...Тука оставам многу добри луѓе, девет години бевте дел од мојот живот. Животот е полн со изненадувања, а заради такви изненадувања, морам да ги сменам моите планови“, напиша Ангеловски.
Многу веројатно Ангеловски ќе се врати во македонскиот ракомет и ќе го пренесе своето искуство од Романија, земјата и клубот во кој мина најдолго во својата кариера, па дури и подолго од матичниот Пелистер.
Поранешниот македонски репрезентативец со Констанца ги освои сите трофеи во романскиот ракомет, играше за клубот и во Втората лига, го издигна клубот по враќањето и како спортски директор се избори за трофеј во Купот, враќање на Шундовски на клупата, влезе во групната фаза на ЕХФ Купот и има големи заслуги околу доведувањето на македонските репрезентативци Никола Митревски и Велко Маркоски.
Еден дел од ракометарите на Констанца присуствуваа на неговиот проштален натпревар од ракометната игра во ноември минатата година во Битола.,
