Алушовски: Нека Еурофарм биде вицепрвак, зад европскиот шампион!

Стевче Алушовски спортски му честита на Вардар за победата во меѓусебната пресметка со Еурофарм Работник и воедно испрати честитки за освоената титула во македонскиот шампионат. 

Стратегот на битолчани по дуелот во СЦ „Јане Сандански“ истакна дека Вардар е далеку пред сите кога се работи за квалитетот во Македонија и на учесникот на Ф4-турнирот во Лигата на шампионите му посака добра игра на завршницата и нова европска круна, како онаа во 2017 година.

„Вардар е апсолутен фаворит во македонското првенство, иако ние на првиот меч во Битола ги изненадивме. Вардар е далеку пред сите, посебно во пристапот на натпреварите. Останува на нашата екипа, на нашето раководство, да го работиме нашиот проект и да не спиеме на уво што ќе се случува понатаму со нашите конкуренти. Сакаме да направиме една добра екипа, имаме луѓе што го сакаат овој спорт и знаат што и како треба. Сакаме да имаме тим, да бидеме барме блиску до Вардар. Сакам да им ја честитам титулата и му посакувам многу среќа на Ф4-турнирот во Келн. Се надевам дека ќе ја израдуваат нацијата и дека ние ќе ја имаме таа чест да бидеме вицешампиони, зад европскиот шампион. Уште еднаш честитки и многу среќа во ЛШ“, изјави Алушовски.

Еурофарм Работник го има в рака второто место во Суперлигата и в година ќе ја претставува Македонија во регионалната СЕХА-лига.

Суперлига, ПЛЕЈ ОФ МАЖИ
ОН П Н И Гол. ГР Форма Бод.
1 ВардарВардар 10 8 0 2 324:284 40 24
1 Еурофарм РаботникЕурофарм Работник 18 17 1 0 622:392 230 52
2 ПелистерПелистер 18 13 2 3 579:473 106 41
3 МеталургМеталург 10 6 0 4 307:303 4 18
3 Бутел СкопјеБутел Скопје 18 13 0 5 521:412 109 39
4 Пролет 62Пролет 62 18 12 1 5 551:456 95 37
5 Охрид 2013Охрид 2013 18 11 0 7 527:463 64 33
6 СтругаСтруга 18 9 1 8 481:457 24 28
7 РадовишРадовиш 18 5 0 13 559:610 -51 15
8 Вардар ЈуниорВардар Јуниор 18 4 0 14 451:549 -98 12
9 ПрилепПрилеп 18 3 1 14 429:597 -168 10
10 ГРК БорецГРК Борец 18 0 0 18 396:707 -311 0