• Сашо Поповски
Искусниот кружен напаѓач Јеспер Нилсен ќе го засили Алборг од почетокот на наредната сезона.
Шведскиот интернационалец стави потпис на тригодишен договор со амбициозниот дански шампион. 31-годишникот доаѓа од редовите на Рајн Некар Левен, каде игра во изминатите три години.
Нилсен има над сто настапи за шведската репрезентација, а претходно има искуство од натпревари во Фуксе Берлин и ПСЖ.
„Со нетрпение очекувам да дојдам во ракометниот Алборг. Тие многу години покажуваат дека станува збор за навистина возбудлив клуб кој продолжува да се развива во позитивна насока. Имавме неколку добри разговори и тоа е навистина интересен проект за кој сум возбуден што ќе бидам дел. Исто така, многу убави работи слушнав за големата поддршка на навивачите и со нетрпение очекувам да се покажам пред многубројните фанови на клубот“, изјави Швеѓанецот.
Алборг атакува кон европскиот врв со засилувањата како Хансен, Бјернсен и Нилсен...
