• Зоран Мишевски
Поранешниот шампион на Македонија и еден од фаворитите за титулата во женската Суперлига, ЖРК Куманово го претстави своето прво големо засилување за шампионатот и настапот во евро-куповите за сезоната 2023/24.
Нова членка на ЖРК Куманово е левото крило Адела Еленин. Еленин е поранешна членка на ЖРК Деспина од Прилеп, има настапи за кадетската и младинска репрезентација на Македонија и се наоѓа на поширокиот список во сениорскиот состав. Клубот од Куманово претходно го продолжи договорот со Величковска.
Новата Суперлига, со петнаесет екипи заради откажувањето на Кузман Вардар, ќе започне во септември, а ЖРК Куманово ќе биде еден од фаворитите за титулата.
Во рамките на Европски ЕХФ Куп, ЖРК Куманово ќе се соочи со тимот на Херцогенбош од Швајцарија. Натпреварите ќе се одиграат на 23/24 септември, а реваншот е на 30 септември/1 октомври 2023 година.
