• Зоран Мишевски
Јужноафриканската Република стана светски шампион по победата од 12-11 (12-6) над Нов Зеланд на полниот „Стад де Франс“ во Париз. Ова е четврти трофеј за Веб Елис во витрините на популарните „Спрингбокс“, кои никогаш не загубиле финале, додека „Ол Блекс“ имаат „само“ три зларта.
На стартот од натпреварот Хандре Полска постигна девет поени со удари од поле, додека Ричи Мунга со „тројка“ ја ублажи негативата. Капитенот на Нов Зеланд, Сем Кејн, беше исклучен во 34. минута, што се покажа како клучен момент во финалето. Момците во црно и покрај хендикепот не беа демотивирани од играта со човек помалку. Не ги поколеба ниту еден неуспешен обид, кој набргу потоа успешно го постигна Бојден Барет, но без реализација за резултатски пресврт. Цврстата одбрана на Јужна Африка одолеа на нападите и ја донесе титулата на југот на „црниот континент“.
Во борбата за третото место, Англија синоќа ја совлада Аргентина. Следното издание на рагби Мундијалот ќе се одржи за четири години во Австралија и ќе има 24 наместо досегашните 20 екипи.