Луди бројки во НФЛ: Том Брејди е потрофеен од сите 32 франшизи!

• Иван Димовски

Најдобриот играч во НФЛ историјата, Том Брејди и покрај тоа што има 43 години, синоќа го освои седмиот трофеј во Супербоул, откако ја предводеше Тамба Беј до триумф над Канзас (31-9). 

Квотербекот на Баканирси одново имаше МВП издание, одлично проигруваше и ги предводеше нападите на својот тим, водејќи ги до втора титутла во клупската историја. За Брејди пак, тоа беше седми прстен, со што стана потрофеен од сите франшизи во НФЛ лигата. 

Седмата титула на Брејди како поединец ги надмина Њу Инглант Пејтриотси кои сите шест ги освоија токму со него, како и Питсбург Стилерс како најуспешен тим со само два порази во финалињата. Овој факт, само дополнително зборува за величината на Брејди кој докажа дека знае и може да води и друг тим до Супербоул славје. 

Зад него на вечната листа кај играчите се наоѓа тимскиот соиграч и добар пријател Роб Гронковски, кој има четири одличја заедно со Брејди, додека ист број „прстени“ имаат и Џој Монтана и Тери Бредшоу.