• Саше Љолес
Женската штафета на Соединетите Американски Држави го освои златниот медал на трката 4x100 метри мешовит стил на Светското првенство кое се одржува во Сингапур.
Американките настапија во состав - Реган Смит, Гречен Волш, Кејт Даглас и Тори Хаск, кои поставија најдобро време од 3:49,34 минути, со тоа поставувајќи нов светски рекорд на оваа делница.
Среброто замина кај репрезентацијата на Австралија, која заостана 3,33 секунди зад победничките, а бронзениот медал го освои селекцијата на Кина (доцнеше 5,43 секунди).
ФОТО/PHOTO: World Aquatics/Twitter/X