Пинг-понгарите го одбележааа меѓународниот ден на спортот за мир и развој

Вчера преку иницијатива на федерациите за пинг-понг на Македонија и Косово, а со поддршка на претседателот на владата Димитар Ковачевски, советничката за спорт Силвија Митевска и директорот на Агенцијата за млади и спорт, Наумче Мојсовски се одбележа Меѓународниот ден на пинг-понг и Меѓународниот ден на спортот за мир и развој, испраќајќи заедничка порака дека спортот има моќ да инспирира, мобилизира и зближува луѓе од повеќе заедници, притоа придонесувајќи кон градење на прогресивно и инклузивно општество за сите.

Спортот преставува алатка за постигнување на подобар социјален и економски развој и има значајна улога при исполнување на целите за одржлив развој, особено кон целите на здравството, образованието, родовата еднаквост, промовирање на одржлив и економски развој и креирање на праведни и инклузивни општества.

Токму и поради својата универзалност, генералното собрание на Обединетите Нации во 2013 година усвои резолуција со која шести април го прогласи за Меѓународен ден на спортот за развој и мир. На овој настан присуствуваше и Даулина Османи, заменик министерката на Министерството за култура, млади и спорт на Косово.

Оваа иницијатива ја потврди и уште еднаш ја афирмира одличната соработка и партнерство помеѓу двете земји која во следниот период ќе се интензивира и на институционално ниво.