• Зоран Мишевски
Во големото кинеско финале на машкиот турнир во пинг-понг, нов олимписки шампион стана Ма Лонг, кој во финалето во кое немаше голема борба го совлада сонародникот Јике Жанг со 4-0 во сетови (14-12, 11-5, 11-4, 11-4).
Наместо вистинско ривалство на двајцата најдобри кинески пинг-понгари видовме финале кое траеше помалку од еден час.
Бронзениот медал му припадна на Јун Музутани од Јапонија по победата над Владимир Самсонов од Белорусија со 4-1 во сетови (11-4, 11-9, 6-11, 14-12, 11-8).