Олимпизам

Претседателот на Македонскиот Олимписки Комитет (МОК), м-р Даниел Димевски и Министерот за млади и спорт на Република Турција, д-р Мехмет Мухарем Кашапоглу, придружуван од амбасадорот на Република Турција во Скопје, Н.Е. Хасан Мехмет Секизќок и почесниот конзул на Република Турција во Скопје, Абдураим Бајрактар, остварија работна средба на која беше договорена нова и многу поблиска соработка во областа на спортот, посебно на врвниот спорт.

Олимпискиот пламен кој треба да го означи стартот на Олимписките игри во Париз, оваа година ќе тргне од Марсеј. Оваа информација ја потврди првиот човек на градот, кој ја истакна поврзаноста со грчката култура. Имено, бидеќи градот Марсеј го основале Грци, логично и паметно е огнот да тргне оттука. 

Украинското претседателство го критикуваше Интернационалниот Олимписки Комитет (ИОК), обвинувајќи го за „промовирање војна“.

На повидок е голем скандал во олимпиското движење. Украина се закани дека ќе ги бојкотира Олимписките игри во Париз, доколку на натпреварот бидат поканети спортисти од Русија и Белорусија. Идејата за испраќање покани до руски и белоруски спортисти ја спомена градоначалничката на Париз, Ан Идалго пред два дена. 

Од 21 до 28 јануари 2023 година, во северна Италија, се одржува Европски олимписки фестивал за спортисти на возраст од 14 до 18 години.

Македонскиот олимписки комитет потпиша соработка со Амбасадата на Франција во Скопје. Првиот човек на МОК го пречека потпретседателот на Францускиот олимписки комитет, Жан Пјер Сиутат. 

Македонскиот Олимписки Комитет вчеравечер на свечената манифестација ,„Златна Олимпија“ ги прогласи најуспешните жени во спортот. Втората едиција „Златна Олимпија“ на едно место ги обедини најдобрите спортистки и спортисти, спортски менаџерки, спортски новинарки, женски тренери и судијки, но и претставници на националните спортски федерации, амбасадори, претставници на македонската влада, министри, поранешни премиери и други.

Јапонија привремено ќе ја прекине својата кандидатура за домаќинство на Зимските Олимписки Игри 2030 година во Сапоро. Градоначалникот на градот Кацухиро Акимото и челниците на Јапонскиот Олимписки Комитет ја потврдија оваа вест пред домашните медиуми. 

Интернационалниот олимписки комитет (ИОК) побара да се вклучат руските и белоруските спортисти во меѓународните натпреварувања. Нивниот настап на Олимписките игри во Париз во 2024 година е неизвесен, додека санкциите против двете земји уште се на сила.