Олимпизам

Интернационалниот Олимписки Комитет (ИОК) официјално објави дека руските и белоруските спортисти ќе имаат забрана за настап на претстојните Олимписки игри кои ќе се одржат догодина во Париз. Руската агенција „Тасс“ објави дека ИОК ќе испрати покана до 203 национални олимписки комитети, но во оваа бројка не се вклучени Русија и Белорусија. Овој потег е секако уште една во низата санцкии кои ги добија руските федерации и спортисти поради воената инвазија на Украина. 

Атлетите од Специјалната Олимпијада од Македонија освоија пет медали на Светските Специјални Олимписки Игри во Берлин.

Организаторот покажува спремност за Летните Олимписки Игри во Париз следното лето. Олимпискиот оган за Игрите 2024 во Париз ќе биде запален на 16 април идната година во древната Олимпија, објавија организаторите на најголемата спортска светска манифестација која од 26 јули до 11 август ќе се одржи во француската престолнина.

Македонски атлетичар Агрон Хајредини освои златен медал во скок во далечина од место на Специјалните Олимписки игри во Берлин.

Од 12 до 26 јуни во Берлин ќе се одржат Летните Олимписки Игри за атлети со атипичен развој, познати како Специјална Олимпијада. Деветнаесет атлети од Макеоднија ќе бидат дел од преку 7.000 спортисти од 190 земји како и 20.000 волентери кои ќе бидат во Берлин.

Олимпискиот оган, кој од мај до јули 2024 година ќе мине низ шеесет француски департмани, ќе го носат 10.000 факели, соопштија на прес-конференција организаторите на Олимписките игри во Париз. За капитени на оваа штафета на олимпискиот факел беа избрани шампионите во пливање Лаура и Флоран Манауду и спортистот Димитри Паваде и паратриатлонката Мона Френсис.

Македонскиот Олимписки Комитет (МОК) во партнерство со амбасадите на Република Грција и Република Франција, East Gate Mall и Општина Аеродром, денес го одбележа Олимпискиот ден, настан кој ја слави моќта на спортот да ги зближи луѓето во мир.

Синоќа во единствена, хомогена и сплотена атмосфера меѓу сите членови на собранието, олимписките Национални спортски федерации и истакнатите македонски спортски имиња се одржа редовното Собрание на МОК. 

Денес во полскиот град Краков се одржува состанок на Координативната комисија за Европските игри (ЕИ) Краков 2023 на Европските олимписки комитети, во која како член работи и претседателот на МОК, м-р Даниел Димевски.