Одбојка

Третото коло од шампионатот на Македонија во одбојка за жени започна со предвидлива и очекувана победа на Вардар жени на теренот на Јанта волеј со 0-3. Скопското дерби беше соочување на младата екипата на Јанта волеј и еден од фаворитите за титулата, видно засилениот Вардар жени.

Одбојкарскиот клуб Вардар нема да патува во Словенија на двомеч со екипата на Калцит Камник, затоа што се појавија позитивни случаи на ковид-19 во таборот на ривалот во рамки на ЦЕВ Купот.

Ако се имаат предвид досегашните резултати, Весна Пробиштип и ГОК Борец ќе го одиграат натпреварот со најголема можност за влијание на табелата во Првата македонска машка одбојкарска лига. Велешани досега забележаа две победи, а покрај очекуваната со Дибра волеј, особено важен беше триумфот над Лирија во минатото коло, по којшто ГОК Борец се наметна дури и во трката за четвртото место. За да се случи тоа, потребен е успешен настап кај Весна Пробиштип, а во спротивно, зелено-црните ќе слават вторпат сезонава и ќе се изедначат со утрешниот ривал. Пробиштипјани ја искористија својата сала против Јанта волеј, но потоа загубија два меча, меѓу нив и тој со Шкендија, така што по оваа рунда не можат да сметаат на влез во правата четворка. Тоа не може да го стори ниту ГОК Борец, но неговата можност за изненадување во понатамошниот тек од сезоната е за нијанса поголема затоа што досега не играше со Шкендија, која им прави друштво на трите фавризирани екипи за пласман во елитниот натпреварувачки сегмент напролет.

Одбојкарскиот тим на Вардар убедливо загуби во домашниот дуел од третото коло во македонската Прва лига, откако Универзитет Тетово не им остави простор и со 0-3 ги освои бодовите. Средбата во СЦ „Кале“ мина целосно во знакот на гостите, кои прикажаа сила и со 25-19, 25-22 и 25-21 не му дозволија на „црвено-црниот“ состав да освои ниту еден сет. Со овој триумф, Универзитет се израмни со Џио Струмица и Шкендија на врвот со по три победи во исто толку кола.

Три гостински и една домашна победа, сите со идентичен резултат 3-0, стопроцентен ефкет на Наковски волеј и на Пелистер волеј за водечки места во двете групи и премиерна победа за Фит фан волеј во дебитантската сезона во најквалитетната македонска женска одбојкарска лига. Тоа е содржината на некомплетното второ коло во коешто немаше неизвесен натпревар иако во Кичево Ускана и Виктори волеј играа два сета на разлика. Во првиот и во третиот сет гостинките од Струмица беа поконцентрирани, а во вториот доминантни, па го прославија првиот сезонски триумф. Во другиот меч од групата Б, Пелистер волеј го издржа првиот сет на гостувањето кај Бами Кор, а потоа лесно ја забележа втората победа со што има солидна предност пред конкурентите за пласман на првите три позиции коишто обезбедуваат настап во елитната фаза напролет. Струмица жени и Јанта волеј Кисела вода ќе играат во друг термин, а слободна беше екипата на Работнички Скопје.

Наковски волеј и Пелистер волеј ќе играат за максимален ефект, а шест екипи се надеваат на првата сеонска победа во нашата најсилна женска одбојкарска конкуренција. Откако ја доби локалната пресметка со Македонија Макс, тимот на Наковски волеј ќе го пречека составот на Јанта волеј Форца со амбиција да остане на водечкото место во групата А. Противникот, пак, ќе се обиде да се рехабилитира за почетниот пораз на свој терен од составот на Универзитет во Тетово жени, којшто е слободен во оваа првенствена рунда. Во Штип, во нивната премиера во новата сезона, УГД Студент жени ќе го пречека дебитантот во лигата, Фит-фан волеј, а Вардар жени и Македонија Макс ќе играат во некој друг термин.

Колото во одбојкарскиот шампионат во Македонија се затвори со „универзитетскиот дуел“ меѓу УГД Тетово и УГД Студент од Штип, а победата им припадна на тетовчани со сигурни 3-0 во сетови.

Две убедливи домашни победи и една исклучително значајна гостинска содржеа саботните средби со коишто почна 29. сезона во македонската најсилна женска одбојкарска конкуренција. Екипата на Универзитет во Тетово направи пресврт на гостувањето во Скопје и освои три капитални бода против Јанта волеј Форца. Со оглед дека во есенската фаза од првенството целта ќе биде да се освои едно од првите три места на табелата во двете групи, а за разлика од претходните години системот е скратен поради коронакризата, секоја победа, особено ако е над директен ривал, има огромен удел во реализација на амбициите во првата натпреварувачка етапа.

Првпат поделени во две групи, македонските одбојкарски клубови започнаа со натпревари за бодови. Секаде празни сали, почитување на мерките и многу млади девојки. Никогаш немало толку млади одбојкарки во сите екипи, а како фаворитки остануваат скопските и струмичките екипи. Има квалитет и меѓу останатите екипи, но не и за титула.