Одбојка

Последното, седмо, коло од есенскиот сегмент во Првата лига (жени) ќе ги отстрани дилеми околу пласманот на екипите на првите три места во двете групи, а со тоа и за композицијата на Втората фаза -1. Фактот што Универзитет во Тетово ќе игра со Македонија Макс овозможува тетовки да се надеваат на четвртата победа, со којшто секако би биле во водечкото трио во групата A, без разлика на тоа каков ќе биде резултатот на другите натпревари, во прв план на директниот дуел на Наковски волеј и на Фит фан волеј. Вардар жени го обезбеди врвот, па од тој аспект соочувањето со УГД Студент за него ќе има формален карактер. Слободниот состав на Јанта волеј Форца нема шанси да учествува во елитниот натпреварувачки сегмент, па затоа сите погледи се насочени кон Тетово и кон Струмица. Универзитет, Наковски и дебитантот Фит фан волеј имаат по три победи досега, па калкулациите се јасни. Ако тетовки ја потврдат фаворитската улога против Македонија макс, што е за очекување, тогаш тие ќе бидат сигурни за Втората фаза -1 во којшато ќе биде и поуспешниот од мечот меѓу Наковски волеј и дебитантот во најсилната женска одбојкарска конкуренција кај нас – Фит фан волеј.

Според теоретските можности, три екипи во групата А и две во групата Б конкурираат за пласман во главната натпреварувачка фаза, таканаречената Втора фаза – 1, во Првата лига за жени. Дербито на непоразените кај дамите викендов им припадна на одбојкарките на Јанта волеј Кисела вода кои по голема борба во пет сета славеа над Работнички Скопје, а победа со огромна важност забележаа и Фит фан волеј и Наковски волеј, додека очекувано радост имаше и за Струмица жени.

Екипата на Џио Струмица го зададе првиот удар и забележа победа во битката за шампионската титула во одбојкарскиот шампионат на Македонија. Во ладниот амбиент на СРЦ „Кале“, струмичани убедливо славеа опротив „црвено-црните“, кои очигледно беа уморни по патот и европскиот двомеч во Словенија.

Седмото коло во Првата лига во машкиот одбојкарски шампионат ја содржи пресметката меѓу екипите коишто се освојувачи на шампионски титули во нашата најсилна одбојкарска конкуренција, Вардар и Џио Струмица, но со оглед на значењето, натпреварот Штип УГД Штип – Шкендија се наметнува како дерби со идентично, дури и со поголемо значење за натамошниот тек на есенскиот и на пролетниот дел од сезоната. Струмичани во Скопје ќе допатуваат како првопласирани досега, со максимален ефект и со победа повеќе од Вардар, кој веќе загуби едно дерби од Универзитет во Тетово. Црвено-црните во текот на неделата имаа обврски во шеснаестинафиналето на Челенџ купот на ЦЕВ, па заморот на вардарци поради патувањето во Словенија на двата дуела во два дена со Калцит Камник може да и донесе лесна фаворитска улога на Џио Струмица иако ќе настапи на гостински терен.

Македонскиот одбојкарски клуб Вардар втора година по ред игра во Челинџ купот на ЦЕВ, но не се прослави на премиерата, затоа што убедливо загуби во првиот меч против словенечки Калцит Камник.

Еден од фаворитите за висок пласман во одбојкарскиот шампионат на Македонија, ГОК Борец од Велес запиша очекувана победа на гостувањето во Тетово против Шкендија вопоследниот натпревар од шестото коло. Велешани во ниту еден од трите сета немаа проблеми и без драматика извојуваа победа.

Најдобрите две екипи од минатата сезона продолжуваат со победничкиот марш во најсилната женска одбојкарска конкуренција. Во петтото коло, значајни победи остварија и тимовите од Кисела вода, повозрасните одбојкарки на Јанта волеј играа за максимален ефект, а помладите за серизона трка за влез во Втората фаза -1. 

Поддршката на сите одбојкарски субјекти заради долгорочен развој на македонската одбојка останува основна определба на Одбојкарската федерација на Македонија, која по позитивното искуство со училиштниот проект на ЦЕВ (Европската одбојкарска конфедерација), влезе во партнерство и со ФИВБ (Светската одбојкарска федерација). ОФМ аплицираше и доби потврда за учество во таканаречената ФИВБ проектна платформа, поконкретно во делот со име „Поддршка на тренерите за развој на националните тимови“. Администрацијата на ОФМ реши овој проект да го поврзе со македонската младинска женска репрезентација којашто се подготвува за настап на Европското првенство во 2022 година. ЦЕВ претходно одлучи Македонија да биде домаќин на овој престижен настан, па соработката со ФИВБ во овој сегмент значи дополнување на нашата амбиција за ревитализација на женската одбојка кај нас. Впрочем, доволно илустративен е насловот на проектот на ФИВБ и на ОФМ – „Сонот на македонската женска одбојка“ (Macedonian women’s volleyball dream).

Речиси и да не постои спортски клуб во Македонија кој не е погоден од пандемијата, а коронавирусот не им прави само здравствени, туку и финансиски проблеми. Клубовите трпат големи загуби, а според последните случувања ситуацијата е во редовите на одбојкарскиот клуб Вардар е сериозна, затоа што „црвено-црните“ се наоѓаат во голема криза.