Одбојка

Втора година во низа машката и женската сениорска репрезентација на Македонија паралелно ќе учествуваат во Европската лига. Извршниот одбор на Одбојкарската федерација на Македонија на последниот состанок донесе одлука да се задржи континуитетот на А селекциите во ова натпреварување, кое од 2026 година ќе добие и нова тежина, односно ќе го замени квалификацискиот циклус за ЕвроВолеј 2028.

Одбојкарите на ГОК Борец со пресврт стигнаа до победа од 3-1 на гостувањето кај Сушево во Василево, во седмото коло од Првата лига мажи. Сушево уште еднаш сезоната потврди дека ќе биде незгоден противник, особено на домашен терен и дека не признава фаворити, но немаше сили за изненадување. Гостите во следните три сета наметнаа свое темпо на игра и се изборија за комплетен кам-бек со кој остануваат меѓу водечките три екипи на табелата во лигата.

Одбојкарската федерација на Македонија и селекторот на женскиот национален тим, Стефан Пауновиќ, ја завршија меѓусебната соработка. Српскиот стратег во изминативе четири години успешно ја извршуваше оваа функција, која заврши со квалификацискиот циклус за Европското првенство во 2026 година

Репрезентативниот среден блокер Филип Маџунков по една сезона мината во редовите на матичниот клуб, Струмица 47&72 повторно се враќа на интернационалната сцена и тоа во позната средина, во тимот на белгиски Лувен. Нашиот одбојкар и клубот се обврзаа на соработка до крајот на сезоната.

Македонскиот женски првак Јанта Волеј Кисела Вода настапот во европските клупски купови го продолжува вечерва во 20:00 часот, кога во СЦ „Јане Сандански“ во Скопје го пречекува хрватскиот тим Младост Загреб во 1/16 финалето од ЦЕВ купот.

Без изненадувања минаа натпреварите од шестото коло во Првата машка одбојкарска лига. Фаворитите беа сигурни во соочувањата со своите ривали и рутински стигнаа до трите бода. Лидерот на табелата Штип УГД има „шест од шест“ победи и максимални 18 бода по триумфот над Лирија од 0-3 на гостински терен.

Актуелниот куп-освојувач, екипата на Наковски Волеј останува единствената непоразена во најсилното домашно женско друштво откако во дерби дуелот од седмото коло од Првата лига жени, со максимални 3-0 (18-25, 22-25, 20-25) го победи Работнички Скопје во СЦ „Борис Трајковски" во Скопје.

Македонскиот женски одбојкарски шампион, Јанта Волеј Кисела Вода, откако го заврши настапот во квалификациите за Лигата на шампионите, ќе продолжи со натпреварување во ЦЕВ купот.

Македонскиот претставник во европскиот Челинџ куп, Штип УГД останува единствениот непоразен тим во најсилното машко одбојкарско првенство, запишувајќи ја петтата победа во исто толку натпревари. Штипскиот состав беше сигурен на домашен терен во дуелот со Јанта Волеј мажи и рутински стигна до нови три бода, со кои останува на врвот на табелата. За Штип УГД ова беше последна проверка на силата во пресрет на реваншот со Кол Ил во рамките од третото по квалитет европско клупско натпреварување.