• Иван Димовски
Одбојкарската репрезентација на Украина го освои златниот медал на Златната европска лига, откако во финалето беше подобар од домаќинот на завршниот турнир Хрватска со 3-1.
Финалниот натпревар кој се одигра во салата „Градски врт“ во Сплит мина во знакот на гостинот кој имаше аутсајдерска улога. Хрватите отворија со 25-23 и поведоа, но тогаш следеше пресврт. Украина го освои вториот сет со 19-25, третиот со 26-28 и четвртиот со 19-25, што ѝ беше доволно за златниот медал.
Претходно во „малото“ финале селекцијата на Чешка ја победи Естонија со 3-2.
Инаку во ова издание на Златната лига играше и Македонија. Нашата репрезентација финишира на десеттото место (од вкупно дванаесет селекции) со една победа над Азербејџан и пет порази, како и сет-количник од 9-15.