Ричлиев: Омонија е искусна екипа, но ние добро се екипиравме сезонава

Одбојкарите на Џио Струмица во првото коло на Челинџ Купот ќе се сретнат со кипарскиот претставник Омонија Никозија. Станува збор за клуб кој има огромна традиција и е редовен учесник во европ-купови, но без некои значителни успеси на европска сцена.

Стратегот на струмичани Ричлиев вели дека Џио Струмица може да се носи со Никозија, која е екипа со огромно искуство на европската сцена.

„Искуството е на нивна страна, но ние ова година составивме добра екипа. Еден спој на младост и искуство и верувам дека екипата одлично ќе биде подготвена за двомечот со Кипарците и одлично ќе ја преставиме познатата струмичка одбојкарска школа. Имаме доволно време за достигнување на посакуваната форма. Со добра работа и одигрување на контролни средби, екипата ќе биде подготвена за евро настапите” изјави за „drnka.mk“, Кире Ричлиев

Првите натпревари се закажани за периодот од 8 до 10 ноември во Струмица, додека реваншите ќе се играат од 13 до 15 ноември.