• Зоран Мишевски
Официјално започна Светското првенство во одбојка за мажи. Полските одбојкари, предводени од српскиот селектор Никола Грбиќ од клупата, ја победија Бугарија со 3-0 (25-12, 25-20, 25-20) во првото коло од групата Ц на Светско првенство.шампионат.
Полска до победата ја предводеа Камил Семенјук со 16 и Бартош Курек со 13 поени, пред Бугаринот Цветан Соколов со девет и Александар Николов со осум поени. Во второто коло Полска ќе игра против Мексико, а Бугарија ќе се сретне со Соединетите Американски Држави.
Во исто време во групата Д, Словенија го победи Камерун со 3-0 (25-19, 25-23, 25-21). Најдобар стрелец кај Словенија беше Тончек Штерн со 18 поени, а го следеше Клемен Чебуљ со 11 поени. Кај Камерун подобар од останатите беше Артур Вукенг со 11 поени. Словенија во второто коло ќе игра против Франција, а Камерун ќе се сретне со Германија.
На отворањето на шампионатот селекцијата на Бразил ја совлада Куба со 3-0 во сетови.