ОК Вардар ќе ги игра двата меча кај Камник во Челинџ купот

Македонскиот одбојкарски тим Вардар одреди да биде гостин на двата натпревари во рамки на Челинџ купот на ЦЕВ, натпреварување во кое ќе игра втора година по ред.

„Црвено-црните“ на ждрепката го добија словенечки Камник, а по заеднички договор одредено е двата натпревари да се играат на гостински терен во Словенија како превенција од коронавирусот.

Вардар ќе биде сместен во хотел во Домжале и тоа ќе биде „базата“ на тимот. Првиот натпревар меѓу Вардар и Камник е предвиден за 3 ноември, додека вториот е ден подоцна.