ВИДЕО: Н'Гапет незадржлив, Франција ја освои Лигата на нации

Француските одбојкари ја освоија Лигата на нации, откако во финалето на завршниот турнир во Болоња ја совладаа селекцијата на Соединетите Американски Држави со 3-2 во сетови (25-16, 25-19, 15-21, 21-25, 15-10).

Франција ја предводеше Ервин Н'Гапет со 22 поени, Жан Патри освои 17, а Тревор Клевено 11 поени. Во американската репрезентација најефикасен беше Арон Расел со 20 поени, Тори Дефалко додаде 13, а Герет Магутути беше автор на 11 поени.

Олимпискиот шампион Франција по третпат ја освои Лигата на нации. Претходно најдобар во ова натпреварување, кое се викаше Светска лига, беше во 2015 и 2017 година.

Во натпреварот за третото место Полска, водена од Никола Грбиќ, во три сета ја надигра домашната Италија.