• Саше Љолес
Одбојкарскиот клуб Младост УГД објави дека ја продолжува соработката со Моника Костовска, која го носи овој дрес уште од младинските категории.
Костовска настапува на позицијата коректор и беше дел од тимот кој стигна до вицешампионското место во кадетска конкуренција, а потоа прерасна и во важна алка на сениорскиот состав.
Од клубот порачуваат дека е вистинско задоволство што играчите кои растеле во нивната школа, денес се првотимци и носители на играта низ најголемите предизвици.