• Саше Љолес
Машката одбојкарска репрезентација на Јапонија обезбеди место меѓу најдобрите четири селекции во Лигата на нации, откако во четвртфиналето ја совлада Кина со 3-1 во сетови (23-25, 25-23, 25-16, 25-23).
Најзаслужен за триумфот беше Ран Такахаши, кој постигна 21 поен и беше најдобар поединец на натпреварот. Кај селекцијата на Кина најефикасен беше Бин Ванг со 19 поени.
Јапонија во полуфиналето ќе игра на први август против подобриот од дуелот меѓу САД и Италија, кој е закажан за утре.
Покрај Јапонија, пласман во полуфиналето претходно обезбеди и Словенија. „Змајчеки“ во драматичен меч ја совладаа репрезентацијата на Турција. Словенија за место во финалето ќе се бори против победникот од пресметката меѓу Полска и Украина.