• Иван Димовски
Одбојкарската репрезентација на Македонија ќе настапи на Медитеранските игри во Таранто. Во пресрет на првиот натпревар на овие Игри, своите очекувања ги сподели Добрина Хаџи-Тосева која кажа:
„Подготвени сме за Медитеранските игри и со нетрпение ги очекуваме. Знаеме што нè очекува, ги знаеме противниците и со некои од нив веќе имаме одиграно натпревари. Подготовките поминаа во најдобар ред, сите сме подготвени и мотивирани. Ја очекуваме и македонската поддршка која многу ќе ни значи и дополнително ќе нè мотивира во Италија“.
Македонија ќе го отвори турнирот со натпревар против Турција попладнево во 17:00 часот. Вториот меч е за четири дена против Косово, додека на 26 и 27 август се играат дуелите со Грција и Алжир.