• Зоран Мишевски
Финска приреди огромна сензација и го елиминираше актуелниот светски шампион Италија во четвртфиналето со резултат 3-2 во сетови. Натпреварот се одигра во Торино, каде што Финците успеаја да го шокираат домаќинот по голем трилер и повеќе од два часа игра.
Италија го оправда статусот на фаворит и сигурно го доби првиот сет со 25-21. Финска заигра неверојатно, покажа карактер во драматичната завршница на вториот сет (28-26), а потоа целосно доминираше во третиот за целосен пресврт од 2-1. Италијанците успеаја да го кренат нивото со поддршка од домашната публика и го одведоа мечот во решавачки петти сет.
Во решавачкиот петти сет, Италија имаше предност во неколку наврати (9-6 и 12-10), но Финска во клучните моменти одигра брилијантно и со 15-13 ја запечати големата победа.
Со овој триумф Финска се пласира во полуфиналето каде ќе се соочи со олимпискиот шампион Франција, додека втората полуфинална двојка ја сочинуваат Полска и Словенија.