• Саше Љолес
Женската одбојкарска репрезентација на Македонија го доживеа првиот пораз на Медитеранските игри, откако загуби во воведниот натпревар од селекцијата на Турција со максимални 0-3, по сетови 4-25, 16-25 и 15-25.
Нашите девојки беа далеку послаб ривал и сосема заслужено запишаа пораз, кој беше најавен уште во првиот сет, кога освоија само четири разочарувачки поени.
Македонската репрезентација се натпреварува во групата Б. Следен противник ќе ѝ биде селекцијата на Косово, со која се среќаваме на 24 август.
Два дена подоцна играме со Грција, а на 27 август ја затвораме групната фаза со натпреварот против репрезентацијата на Алжир.