• Зоран Мишевски
Очекуван резултат во последниот натпревар од деветтото коло на одбојкарскиот шампионат на Македонија. Седма првенствена победа запишаа одбојкарите на Борец од Велес, кои со 3-0 во сетови (25-15, 25-17, 25-13) ја совладаа Македонија Џио во Струмица.
Младиот струмички состав се обиде да понуди силен отпор и да му ја отежне работата на ривалот, но не успеа во тоа иако делуваше мотивирано, особено во првите два сета.
Во редовите на Борец тандемот бразилски интернационалци Басто и Оливеира беа најефикасни со 17, односно 11 поени, додека во тимот на Македонија Џио, Петров запиша 12 поени.